Дьиэҕэ үлэбин ааҕарбыттан сүрэҕэлдьиибин даҕаны! Кинигэни көрө-көрө саллабын. Эчи халыҥыын! Ол кэриэтэ телевизорга, компьютерга бэлэми көрүөм этэ. Ол да буоллар, учууталым кытаанахтык эппитин санаат, кинигэбин арыйдым. Ааҕан иһэн, куолубунан, нуктаан бардым…

Арай, доҕоттоор, мин Кинигэм иһигэр киирэн хаалбыппын! Киэҥ да киэҥ Айымньы алааһыгар сылдьар эбиппин!. Уҥа диэки – Хоһоон хонуута, хаҥас диэки – Олоҥхо дойдута, илин диэки – Остуоруйа дьиэтэ, арҕаа диэки – Кэпсээн кэриитэ. Бачча кэлэн баран, барыларын кэрийэн көрүөхпүн баҕардым.

Салгыы ааҕар туһугар айымньы баһын баттаа.

Оҕолоор, эһиги хаары сөбүлүүгүт? Хал буоллугут дуу күннэтэ көрөҥҥүт?

Сороххут өссө сүрэҕэлдьээн эрдэҕэ хаар күрдьэртэн, хаар халыҥ былыта сырдык күммүтүн сабардаан санаабытын түһэрэриттэн… Сорохтор, баҕар, күнү быһа «былыт баттаан» утуктуу, сылайа сылдьаргыт да буолуо.

Мин эмиэ былырыыҥҥа диэри олох абааһы көрөрүм хаары. Тыбыс-тымныы, элбиих-элбэх хаар халлаантан түс да түс! Тиэргэн хаарын күрт да күрт! Кимиэхэ наадалаах, туохха туһалаах хаар эбитэ буолла?! Африкаҕа да олорор буолбаппын ээ, хаара суох сиргэ… Ол санаам төрдүттэн уларыйбыта биир аптаах күн.

Салгыы ааҕар туһугар айымньы баһын баттаа.

Былыргы үйэлэр быыстарын
Сэгэтэ арыйар курдукпун
Байҕаллыы муҥурун биллэрбэт
Олоҥхо аар тылын аахтарбын.

Харахха көстүбэт нарын кыл –
Уйулҕам уостубат утаҕа
Дьырылыыр, дырылыыр, ыллыыр
Лирика чараҥар киирдэрбин.

Санаалыын, Сүрэхтиин сиэттиһэн
Сүпсүктээх олохтон тэйэбин
Сахалыы сиэдэрэй тыллардаах
Айымньы ааннарын астарбын.

Иһирэх иэйиинэн тиһиллэр
Бу маннык ураты дойдуга
Сиэтэҥҥин киллэрэр эбиккин –
Сахабыт баай тыла барахсан!

Хотугу дойдубут киэргэлэ –
Маҥан хаар, дьиктигин даҕаны!
Ырааһы, Кэрэни саната
Ыллыыгын ыралаах ырыаҕын.

Буурҕа-уол буолаҥҥын силлиэрэн,
Кыргыттар куттарын тутаҕын,
Хаарчаана үҥкүүтүн түһэрэн,
Уол оҕо тапталын ылаҕын.

Түбүктээх олохтоох сир дьонун
Сылайбыт сүрэҕин эмтиигин,
Сымнаҕыыс-сымнаҕас иэйиини
Салпакка саҕаҕын күн ахсын.

Ымыылаах ырыаҕын ылынан,
Ыллаатын сүрэхпит ылаара!