Хотугу дойдубут киэргэлэ –
Маҥан хаар, дьиктигин даҕаны!
Ырааһы, Кэрэни саната
Ыллыыгын ыралаах ырыаҕын.
Буурҕа-уол буолаҥҥын силлиэрэн,
Кыргыттар куттарын тутаҕын,
Хаарчаана үҥкүүтүн түһэрэн,
Уол оҕо тапталын ылаҕын.
Түбүктээх олохтоох сир дьонун
Сылайбыт сүрэҕин эмтиигин,
Сымнаҕыыс-сымнаҕас иэйиини
Салпакка саҕаҕын күн ахсын.
Ымыылаах ырыаҕын ылынан,
Ыллаатын сүрэхпит ылаара!