ҮЛЭМ СЫАЛЛАРА-СОРУКТАРА
ҮӨРЭНЭЭЧЧИ ДЬОҔУРУН САЙЫННАРЫЫ
Ханнык баҕарар учуутал маҥнайгы миэстэҕэ турар соруга үөрэнээччигэ көннөрү билиини эрэ биэрбэккэ, кини тус дьоҕурдарын чуо көрөн арыйыы буолар.
АНЫГЫ ТЕХНОЛОГИЯЛАРЫ ТУҺАНЫЫ
XXI үйэ үгэннээн турар кэмигэр учуутал олох хаамыытыттан хаалсыбакка саҥа технологиялар биэрэр модун кыахтарын бэйэтин үлэтигэр киллэрэ сатыахтаах.
ОБЩЕСТВЕННАЙ ОЛОХХО КӨХТӨӨХТҮК КЫТТЫЫ
Үлэтин иэһинэн дьон-сэргэ ортотугар сылдьар учуутал тулалыыр эйгэ сайдыытыттан туора туран хаалбакка бэйэтин кыаҕынан общество олоҕор кыттыыны ылара сөп.
АЙАР ҮЛЭ АБЫЛАҤНААХ ЭЙГЭТЭ
Киһи бу аан дойдуга айа-оҥоро кэлбит дииллэрэ кырдьык эбит буоллаҕына, айар иэйии аҕалар үөрүүтүттэн маппакка айылҕа бэлэхтээбит бэйэ талааннарын сайыннаран иһиэххэ.
МИН ТУСПУНАН КЫЛГАСТЫК
Саха Государственнай университетын филологическай факультетын саха тылын уонна литературатын салаатын 1990 сыллаахха бүтэрээт, идэбинэн үлэбин саҕалаабытым. Элбэх сыл устата Уус-Алдан улууһугар Суотту орто оскуолатыгар учууталлыыбын. «Саха тылын уонна литературатын үөрэтиигэ интегрированнай уруоктары ыытыы көдьүүһэ» уонна «Воспитательный потенциал урока» диэн темаларынан үлэлэри, ыстатыйалары суруйабын, аһаҕас уруоктары, литературный салоннары ыытабын, улуус уонна республика таһыманаах семинардарга кыттабын. Уруоктарбар психологическай наукалар кандидаттара А. А. Ярулов «Сатабыл» диэн биирдэм хайысхалаах үөрэтии методикатын туһанабын. Кылаас таһынааҕы иитэр үлэ5э сүрүннээн Г. К. Селевко оҕолор дьоҕурдарын сайыннарарар методикатын туттабын. Нэһилиэгим олоҕор үгүс концердарга, айар киэһэлэргэ уонна да атын мероприятиеларга сценарист, конферансье быһыытынан кыттыыны ылабын, иллэҥ кэммэр литературнай, музыкальнай айар үлэнэн дьарыктанабын.
ОЛОХ ЭРИЭККЭС ТҮГЭННЭРЭ — ХААРТЫСКА НЬУУРУГАР
ТИҺЭХ СОНУННАР
Икки саҥа кэпсээн эбилиннэ
Сайтка«Айымньыларым» разделга мин «Хаар доҕотторум» уонна «Айымньы дойдута» диэн кэпсээннэрим эбилиннилэр.
Интегрированнай тургутук эбилиннэ
Сайтка «Үлэлэрим» диэн разделга саха тылыгар уонна нуучча тылыгар алын кылаастарга аналлаах интегрированнай олимпиада сорудахтарын киллэрдим.
«АхсыStar» сурунаал эбилиннэ
Сайтка «Үлэлэрим» разделга Суотту орто оскуолатын 8-с «б» кылааһын үөрэнээччилэрэ 2012 сылга «Уран тыл умсулҕана» куруһуокпар дьарыктанан таһаарбыт «АхсыStar» диэн сурунааллара эбилиннэ.
Электроннай интерактивнай дуоска оонньуулара киирдилэр
Сайтка электроннай интерактивнай дуоскаҕа анаан оҥоһуллубут өй оонньуулара киирдилэр. Баҕалаах дьон ол оонньуулары интернет нөҥүө тута оонньоон боруобалаан көрүөхтэрин сөп.
Айымньылар эбилиннилэр
Сайтка мин «Хаар абылаҥа» уонна «Сахам сирэ» диэн хоһооннорум эбилиннилэр.
Yлэлэр эбилиннилэр
Сайтка мин «Дьиэ кэргэҥҥэ оҕону ийэ тылынан иитии суолтата» уонна «Формирование ключевых компетенций обучающихся в проектной деятельности» диэн научнай-методическай ыстатыйаларым, «Разработка интеллектуальных компьютерных игр для электронной интерактивной доски на уроках якутского языка и литературы» диэн дакылаатым эбилиннилэр.
Үтүө күнүнэн, аан дойду!
Бүгүн күүтүүлээх сайтым ситэн-хотон бэйэтин үлэтин саҕалаата. Кини ис хоhооно эhиэхэ кэрэхсэбиллээх буолуо диэн эрэнэ хаалабын. Кэлэр кэмҥэ сайтка саҥа материал эбиллэн өссө сайда туруоҕа.